शेतकऱ्यांसाठी आनंदाची बातमी : दोन मिनिटात मिळणार कर्ज !

कृषीसेवक | ३ ऑक्टोबर २०२३

देशातील शेतकऱ्यांसाठी एक आनंदाची बातमी समोर आली आहे. ज्या शेतकऱ्याकडे किसान क्रेडिट कार्ड असेल त्यांच्यासाठी हि बातमी महत्वाची असणार आहे. किसान कर्ज पोर्टल सुरू करण्यात आले आहे. शेतकऱ्यांना मदत करण्यासाठी केंद्रीय अर्थमंत्री निर्मला सीतारामन यांनी किसान कर्ज पोर्टल सुरू केले आहे. किसान क्रेडिट कार्ड खातेधारकांशी संबंधित माहिती या पोर्टलवर उपलब्ध असेल.

या पोर्टलद्वारे किसान क्रेडिट कार्ड (KCC) धारकांना अनुदानित कर्ज मिळविण्यात मदत केली जाईल. यासोबतच सर्व KCC खातेधारकांची पडताळणी आधारद्वारे केली जाईल. यामुळे पात्र शेतकऱ्यांना कर्ज मिळण्यास मदत होणार आहे. किसान कर्ज पोर्टल (KRP) अनेक सरकारी विभागांच्या सहकार्याने विकसित केले गेले आहे. या कार्यक्रमांतर्गत घरोघरी KCC मोहीम आणि हवामान माहिती नेटवर्क डेटा सिस्टम पोर्टल देखील सुरू करण्यात आले आहे.

KCC म्हणजे काय? किसान क्रेडिट कार्ड योजना 1998 मध्ये नॅशनल बँक फॉर अॅग्रिकल्चर अँड रुरल डेव्हलपमेंट द्वारे तयार केलेल्या मॉडेल योजनेच्या आधारे सुरू करण्यात आली. शेतकऱ्यांना पुरेशी आणि वेळेवर कर्ज मिळण्याची प्रक्रिया सुलभ करण्याच्या उद्देशाने किसान क्रेडिट कार्ड योजना आणण्यात आली. यामुळे शेतकऱ्यांना बियाणे, खते, कीटकनाशके इत्यादी कृषी निविष्ठा खरेदी करण्यात मदत होते. KCC मध्ये काढणीनंतरचा खर्च, उपभोगाच्या गरजा, शेतीसाठी कर्जाची आवश्यकता आणि संलग्न क्रियाकलापांमध्ये गुंतवणूक समाविष्ट आहे. ही योजना व्यापारी बँका, लघु वित्त बँका आणि सहकारी संस्था राबवतात.