डाळिंब मर रोगाची लक्षणे , कारणे !

बातमी शेअर करा

कृषी सेवक | २० नोव्हेंबर २०२२ | डाळिंबात सद्यस्थितीमध्ये प्रामुख्याने मर रोगाची समस्या खूप मोठ्या प्रमाणात शेतकऱ्यांना भेडसावत आहे. लक्षणे – अचानक झाडाचा शेंड्याकडील भाग पिवळा पडण्यास सुरुवात होऊन कालांतराने संपूर्ण झाड पिवळे पडून वाळून जाते. लागण झालेल्या फांदीवर फळे असल्यास फळेसुद्धा वाळून जातात परंतु न गळता तशीच झाडाला लटकलेली राहतात.रोगग्रस्त मुळे किंवा खोडाचा उभा छेद घेतल्यास आतील भाग तपकिरी किंवा काळसर झालेला दिसतो.

मर रोग प्रादुर्भावाची कारणे :

अयोग्य जमीन – भारी जमिनीत डाळिंबाची लागवड केल्यास पाण्याचा निचरा होत नसल्याने अतिरिक्त ओलाव्याने खोडकूज व मूळकूज रोगाचा प्रादुर्भाव होतो

 

paid add

अयोग्य लागवडीचे अंतर – झाडांची जास्त दाटी झाल्यास बागेत हवा खेळती राहत नाही त्यामुळे कीड रोगास अनुकूल वातावरण निर्माण होते. पाणी व्यवस्थापनाचा अभाव – पाण्याचा अतिरेक वापर कारणीभूत. बऱ्याच वेळी सिंचनाकरिता वापरावयाचे ड्रीपर्स खोडाजवळ ठेवलेले असतात त्यामुळे जमिनीलगत खोडाजवळ सतत ओलावा राहून रोगाचा प्रादुर्भाव होतो.

 

बुरशीचा प्रादुर्भाव – प्रामुख्याने फ्युजेरियम व मॅक्रोफोमीना बुरशी मुळांद्वारे व त्यावरील जखमांद्वारे झाडात प्रवेश करते. यासोबतच ऑक्सिस्पोरिअम, रायझोक्टोनिया ह्या बुरशीसुद्धा मर रोगग्रस्त झाडांवर आढळतात. अन्न व पाणी वाहून नेणाऱ्या झायलम उतींमध्ये बुरशीची वाढ होते. त्यामुळे झाडाचा अन्न आणि पाणी पुरवठा बंद होऊन झाडाची पाने पिवळी पडतात पुढे शेंड्याकडून संपूर्ण झाड वाळत जाते.

 

किड आणि सूत्रकृमींचा प्रादुर्भाव – खोडकिडा तसेच खोडाला छिद्रे करणारे भुंगेरे आणि मुळांवर गाठी करणाऱ्या सूत्रकृमी यांच्या प्रादुर्भावामुळे बुरशीचा झाडाच्या मुळांमध्ये प्रवेश होतो आणि त्यामुळे झाड मरते

 

बातमी शेअर करा

कृषी सेवकचे अपडेट्स मिळवण्यासाठी आम्हाला फॉलो करा

फेसबुकट्विटर ।युट्युब | इंस्टाग्राम | गुगल न्यूज | टेलिग्राम