पशुसंवर्धन विभागा मार्फत वैरण आणि खाद्य अभियान; मिळवा १०० टक्के अनुदान!

कृषी सेवक | ११ एप्रिल २०२४ | राष्ट्रीय पशुधन अभियानांतर्गत पशुसंवर्धन विभागा मार्फत वैरण आणि खाद्य अभियान राबविले जाते. पडीक किंवा गवती कुरणक्षेत्र जमिनीवर पात्र शेतकर्‍यांना मका बियाण्यासाठी १००% अनुदान दिले जाणार आहे.

 

जिल्हा परिषदेच्या पशुसंवर्धन विभागा मार्फत यापूर्वी उन्हाळ्यात सन २०२३-२०२४ या वर्षाकरिता वैरण बियाणे वाटप करणे या योजनेसाठी पात्र लाभार्थ्याकडून मे महिन्यात अर्ज मागविले होते. वैरण व पशुखाद्य विकास या सर्वसाधारण योजनेंतर्गत लाभार्थ्यांना १००% अनुदानावर प्रति लाभार्थी १५०० रुपये मर्यादित वैरण बियाणे वाटप केले होते. खरीप हंगामातही वनक्षेत्र नसलेल्या नापीक, गायरान, गवती कुरणक्षेत्र व पडीक जमिनीवर वैरण उत्पादनासाठी शेतकर्‍यांना आता १००% अनुदान दिले.

 

पशुधन उत्पादन प्रणालीमध्ये संख्यात्मक आणि गुणात्मक सुधारणा सुनिश्चित करण्यासाठी राष्ट्रीय पशुधन अभियान सुरू करण्यात आले. जनावरांच्या चारा आणि खाद्य स्त्रोताच्या तुटवड्याचा प्रश्न सोडवण्यासाठी १००% अनुदानावर वैरण बियाणे दिले जाते.

 

वनक्षेत्र नसलेल्या नापीक, गायरान, गवती कुरणक्षेत्र व पडीक जमिनीवर वैरण घेता येते. शेतकर्‍याकडे सातबारा, आठ अ असावा. जमीन पडीक, गवती कुरणक्षेत्र असावी. सदर योजनेत प्रति लाभार्थी १५०० रुपये मर्यादित वैरण बियाणे वाटप करण्यात येते. वैरण उत्पादनासाठी १००% अनुदानावर पात्र शेतकर्‍यांना बियाणे पुरविण्यात येते.

 

स्थानिक पशु वैद्यकीय दवाखान्यात किंवा पंचायत समिती स्तरावर पात्र शेतकर्‍यांकडून अर्ज स्वीकारले जातात. तेथून उपलब्ध अनुदानानुसार पशुसंवर्धन विभागाकडे अर्ज पाठविले जातात.