नैसर्गिक शेती ही भविष्यातील आव्हाने सोडवण्याचा एक महत्त्वाचा मार्ग- नरेंद्र मोदी

बातमी शेअर करा

कृषी सेवक | १७ ऑक्टोबर २०२२ |पंतप्रधान नरेंद्र मोदी यांनी सोमवारी दिल्लीत ‘पीएम किसान सन्मान संमेलन 2022’ चे उद्घाटन केले. दोन दिवसीय कार्यक्रमाच्या उद्घाटन समारंभात बोलताना पंतप्रधान म्हणाले की, नैसर्गिक शेती ही भविष्यातील आव्हाने सोडवण्याचा एक महत्त्वाचा मार्ग आहे.

देशभरातील 13,500 हून अधिक शेतकरी आणि सुमारे 1,500 कृषी स्टार्टअप्सना एकत्र आणण्याच्या उद्देशाने हा कार्यक्रम आयोजित करण्यात आला होता.

कार्यक्रमादरम्यान, पंतप्रधान मोदींनी प्रधानमंत्री भारतीय जन उर्वरक योजना – वन नेशन वन फर्टिलायझरचा शुभारंभ केला. योजनेंतर्गत, पंतप्रधान भारत युरिया पिशव्या लॉन्च करतील, ज्यामुळे कंपन्यांना “भारत” या सिंगल ब्रँड नावाखाली खतांची विक्री करण्यात मदत होईल.
जाहिरात

paid add

या योजनेचा शुभारंभ करताना ते म्हणाले, “‘एक राष्ट्र, एक खत’ अंतर्गत शेतकऱ्यांची सर्व प्रकारच्या संभ्रमावस्थेतून सुटका होणार आहे आणि चांगले खतही उपलब्ध होणार आहे.

केंद्रीय कृषी मंत्री नरेंद्र सिंह तोमर, केंद्रीय खते आणि रसायन मंत्री मनसुख मांडविया, केंद्रीय खते आणि रसायने राज्यमंत्री भगवंत खुबा आणि केंद्रीय कृषी राज्यमंत्री कैलाश चौधरी आणि शोभा करंधलाजे आणि इतर वरिष्ठ अधिकारीही या कार्यक्रमात सहभागी झाले होते.

बातमी शेअर करा

कृषी सेवकचे अपडेट्स मिळवण्यासाठी आम्हाला फॉलो करा

फेसबुकट्विटर ।युट्युब | इंस्टाग्राम | गुगल न्यूज | टेलिग्राम