देशात गव्हाचा साठा निम्म्यावर ; किंमतीत वाढ

कृषी सेवक | १६ नोव्हेंबर २०२२ | सध्या भारतात गव्हाचा साठा कमी झाला असून सरकारी गोदामातील गव्हाचा साठा गेल्या वर्षाच्या तुलनेत निम्म्यावर आला आहे. येत्या काही दिवसांत गहू आणि त्याच्या उत्पादनांच्या किमतीत वाढ होण्याची शक्यता आहे. भारतीय शेतकऱ्यांनी १ ऑक्टोबरपासून ४.५ दशलक्ष हेक्टरवर गव्हाची पेरणी केली आहे. स्थानिक गव्हाच्या किमती गुरुवारी 26,500 रुपये ($324) प्रति टन विक्रमी पोहोचल्या आहेत. मे मध्ये निर्यातीवर बंदी आल्यापासून जवळपास 27% जास्त आहे. सरकारच्या गोदामांमध्ये गहू आणि तांदूळ या दोन्हींचा समाधानकारक साठा असल्याने काळजी करण्यासारखे काही नाही असे सरकारचे म्हणणे आहे. मात्र आता नवीन गहू बाजारात येईपर्यंत दर वाढण्याची शक्यता आहे. 1 ऑक्टोबरपर्यंत सरकारी धान्य कोठारात गव्हाचा साठा 22.7 दशलक्ष टन होता.

असे असताना त्यानंतर केंद्र सरकारने किरकोळ बाजारावर नियंत्रण ठेवण्यासाठी गहू सोडला. तरीही, सरकार नियमितपणे पीठ आणि बिस्किट उत्पादकांसारख्या मोठ्या खरेदीदारांसाठी गहू जारी करते. यामुळेच सरकारी गव्हाचा साठा कमी झाल्याचे सांगितले जात आहे. पुढील वर्षी नवीन हंगामाचे पीक बाजारात येईपर्यंत भारतीय गव्हाचे भाव चढेच राहण्याची अपेक्षा आहे.