कांद्याच्या दरात होतेय सुधारणा

कृषी सेवक | १९ ऑक्टोबर २०२२ देशात दिवाळी सणामुळं कांद्याला मागणी वाढलेली दिसते. मात्र दुसरीकडं आवक कमी होते. त्यामुळं कांदा दर काहीसे सुधारलेले दिसतात. सध्या कांद्याला सरासरी १ हजार ५०० रुपये ते २ हजार १०० रुपये दर मिळतो आहे.

मात्र यंदा वाढलेला निविष्ठांचा खर्च, पावसामुळं नुकसान आणि अतिउष्णतेनर झालेली कांदा सड, यामुळं कांद्याचा उत्पादन खर्च प्रतिक्विंटल २ हजार २०० रुपयांपर्यंत पोचलाय. त्यामुळे सध्या मिळत असलेल्या दरात उत्पादन खर्चही भरून निघणार नाही. मात्र पुढील काळात कांदा पुरवठा मर्यादीत होऊन दरात सुधारणा होऊ शकते, असा अंदाज व्यापाऱ्यांनी व्यक्त केलाय