शेतकरी कर्ज: नाबार्डकडून पीक कर्ज मर्यादेत वाढ, वाचा कोणत्या पिकाला किती कर्ज?

शेतकऱ्यांच्या वाढत्या उत्पादन खर्चामुळे ‘नाबार्ड’ ने पीक कर्जाच्या मर्यादेत वाढ करण्याचा निर्णय घेतला आहे. यामुळे शेतकऱ्यांना विविध पिकांसाठी अधिक कर्ज उपलब्ध होणार आहे. विशेषतः आडसाली ऊस पिकासाठी हेक्टरी १ लाख ७० हजार रुपये कर्ज दिले जाणार आहे, जे गेल्यावर्षीच्या तुलनेत हेक्टरी ३० हजार रुपयांनी वाढले आहे.

कर्जाच्या मर्यादा:
– आडसाली ऊस: १ लाख ७० हजार रुपये
– पूर्व हंगामी ऊस: १ लाख ४० हजार रुपये
– सुरू लागण ऊस: १ लाख ३५ हजार रुपये
– ऊस खोडवा: १ लाख १५ हजार रुपये
– भात: ५० हजार रुपये
– सोयाबीन: ६६ हजार रुपये
– नागली: ३६ हजार ८०० रुपये
– फळबागा: ५५ हजार रुपये
– पालेभाज्या: ३० हजार रुपये

राज्यस्तरीय तांत्रिक समितीच्या शिफारसीनंतर या निर्णयाची अंमलबजावणी केली जाणार आहे. शेतकऱ्यांच्या इतर गरजांसाठी खावटी व आकस्मिक कर्जाची देखील तरतूद करण्यात आली आहे, ज्यामध्ये मंजूर पीक कर्जाच्या ३०% खावटी व २०% आकस्मिक कर्ज मिळणार आहे.

या नव्या कर्ज मर्यादांमुळे शेतकऱ्यांना त्यांच्या उत्पादन खर्चाच्या तुलनेत अधिक आर्थिक सहाय्य मिळेल, असे नाबार्डचे मत आहे.