पुर्नरचित हवामान आधारीत फळपिक विमा योजना अंतर्गत अनुदान मंजुर

कृषी सेवक I १० डिसेंबर २०२२ I जिल्हयात पुर्नरचित हवामान आधारीत फळपिक विमा योजना सन 2021-22 (अंबियाबहार) अंतर्गत ऐ. आय. सी विमा कंपनी यांच्यामार्फत राबविण्यात आली होती. गुलाबराव पाटील,पालकमंत्री यांचे प्रयत्नांनी जिल्हयातील शेतक-यांकरीता या योजनेमध्ये यापूर्वी केळी पिकाचे कमी तापमान व जादा तापमान या हवामान धोक्यांतर्गत एकूण रक्कम रुपये 354.89 कोटी मंजुर करण्यात आले असून 50.191 शेतक-यांच्या बँक खात्यात कंपनीमार्फत अदा करण्यात आलेले आहेत.

तसेच. पालकमंत्री गुलाबराव पाटील, यांचे अध्यक्षतेखाली पुर्नरचित हवामान आधारीत फळपिक विमा योजना (अंबियाबहार) बाबत आढावा बैठक पार पडली.

या बैठकीमधील सुचनेनुसार व शासनाशी केलेल्या पाठपुरावा अन्वये सदर योजनेअंतर्गत केळी पिकाचे वारा या हवामान धोके अंतर्गत रुपये 54.03 कोटी मंजूर करण्यात आलेले असून शेतक-यांच्या बँक खात्यात जमा करण्यात येत आहे. तसेच या योजनेमध्ये आंबा, मोसंबी, पपई व डाळींब या पिकांचे हवामान धोके नुसार रक्कम रुपये 84.17 लाख मंजूर झाले असून 364 शेतक-यांच्या बँक खात्यात जमा करण्यात येत आहे. असे जिल्हा अधिक्षक कृषि अधिकारी संभाजी ठाकुर यांनी एका प्रसिध्दीस दिलेल्या पत्रकान्वये कळविलेले आहे.