जिजामाता कृषिभुषण पुरस्कार

कृषी सेवक I १० डिसेंबर २०२२ I महाराष्ट्र राज्य कृषी उत्पादन व कृषी उद्योग क्षेत्रात अग्रेसर राज्य म्हणून ओळखले जाते. राज्यात दरवर्षी शेती व पूरक क्षेत्रात अति उल्लेखनीय कार्य करणाऱ्या महिला शेतकऱ्यास कृषी विभागामार्फत महाराष्ट्र राज्याच्या मा. राज्यपाल महोदय यांचे हस्ते जिजामाता कृषिभुषण पुरस्कार देऊन सन्मानित करण्यात येते. दरवर्षी प्रमाणे सन 2021 साठी कृषी विभागामार्फत नाशिक विभागातील महिला शेतकऱ्यांकडून जिजामाता कृषिभुषण पुरस्कारा साठी प्रस्ताव मागविण्यात येत आहेत.

पुरस्काराचे स्वरूप- रू.50,000/- रकमेचा धनादेश, स्मृतीचिन्ह, प्रशस्तीपत्र व पतीसह सत्कार, देण्यात येणारे पुरस्कार संख्या- 08 (प्रत्येक कृषी विभागातून 01 याप्रमाणे) पुरस्कारासाठी चे निकष – 1) प्रस्तावित महिला शेतकरी यशस्वी उत्पादन, रोपवाटिका व बिजोत्पादन, सेंद्रिय शेती निविष्ठा उत्पादन व वापर, काढणी पश्चात व्यवस्थापन, साठवणूक व मूल्यवर्धन, प्रक्रिया, विपणन, निर्यात इत्यादी कार्यात सहभागी होऊन उल्लेखनीय कार्य करणारी, त्यातून अधिक नफा मिळवणारी व परिसरातील शेतकऱ्यांना मार्गदर्शन करणारी असावी. त्याच बरोबर प्रस्तावित महिला शेतकरी ही आधुनिक कृषी तंत्रज्ञानाच्या प्रचार व प्रसिद्धीसाठी पिक स्पर्धा, कृषी प्रदर्शने, मेळावे, संशोधन संस्थांना भेटी इ. उपक्रमामध्ये स्वतः सहभागी होऊन इतर शेतकऱ्यांना सहभागासाठी उद्युक्त करणारी असावी. 2) राज्यातील सर्व महिला शेतकरी या पुरस्कारासाठी पात्र असतील तसेच केंद्र किंवा राज्य शासनाचा कोणताही कृषी पुरस्कार प्राप्त असल्यास प्राधान्य देण्यात येईल. महिला शेतकरी यांच्या स्वतःच्या नावावर किंवा पतीच्या नावावर शेती असावी आणि त्या कुटुंबीयांसह शेती करणाऱ्या असाव्यात.

3. शासनाच्या कृषी विभागाकडून दिल्या जाणाऱ्या राज्यस्तरीय दोन पुरस्कारांमधील अंतर किमान तीन वर्ष असावे.

4. प्रस्तावित महिला शेतकरी ही केंद्र/ राज्य शासकीय / निमशासकीय किंवा शासन अंगीकृत संस्थेमध्ये नोकरी करत नसावी किंवा सेवानिवृत्ती वेतन किंवा कोणत्याही प्रकारचे नियमित मानधन घेणारी नसावी.

प्रस्तावासोबत आवश्यक कागदपत्रे

1. 7/12 व 8- अ चा उतारा

2. केंद्र राज्य शासकीय निमशासकीय किंवा शासन अंगीकृत संस्थेमध्ये नोकरी करत नसले बाबत तसेच सेवानिवृत्ती वेतन व मानधन घेत नसल्याबाबतचे स्वयंघोषणापत्र

3. मूळ प्रतीतील जिल्हा पोलीस अधीक्षक कार्यालयाचा चारित्र्याचा दाखला

4. मिळालेले पुरस्कार व कृषी विषयक कार्य दर्शविणारे प्रमाणपत्रे

5. पीकस्पर्धा, कृषीप्रदर्शने, संशोधन संस्थांना भेटी इ. उपक्रमात सहभागी झाल्या बाबत

तपशील

तरी वरील प्रमाणे नाशिक विभागातील पात्र इच्छुक महीला शेतकऱ्यांनी अधिक माहितीसाठी आपल्या तालुक्यातील तालुका कृषी अधिकारी कार्यालयाशी संपर्क साधून पुरस्कारासाठी प्रस्ताव सादर करावा, असे आवाहन विभागीय कृषी सहसंचालक नाशिक मोहन वाघ यांनी एका प्रसिध्दी पत्रकान्वये केले आहे.

नाशिक विभागातील मागील 3 वर्षातील जिजामाता कृषिभुषण पुरस्कार विजेत्या महिला शेतकरी

1 सौ. संगिता वाल्मिक सांगळे, सत्तेगांव ता येवला जि. नाशिक -2019

2 सौ. सुनिता राजाभाऊ खेमनार, साकुरी ता. मालेगांव जि. नाशिक 2019