लोकसभा निवडणुकीत बीड आणि बारामतीत बोगस मतदानाचे आरोप, शरद पवारांचा गंभीर दावा

कृषी सेवक | २१ मे २०२४ | Maharashtra Lok Sabha Election 2024: अठराव्या लोकसभा निवडणुकीसाठी महाराष्ट्रातील मतदान आज संपले. राज्यातील ४८ लोकसभा मतदारसंघांमध्ये पाच टप्प्यांत मतदान झाले. मतदान प्रक्रिया संपल्यानंतरही आरोप-प्रत्यारोपांचे सत्र सुरूच आहे. राष्ट्रवादी काँग्रेसचे नेते शरद पवार यांनी गंभीर आरोप केले आहेत.

केळी, पपई पिकावर अवकाळी पावसाचा परिणाम: खान्देशात रोपांची टंचाई

महाराष्ट्रातील अठराव्या लोकसभा निवडणुकीसाठी आज मतदान पूर्ण झाले. राज्यातील ४८ लोकसभा मतदारसंघांमध्ये पाच टप्प्यांत मतदान झाले. मतदान प्रक्रिया संपल्यानंतरही आरोप-प्रत्यारोप सुरूच आहेत. राष्ट्रवादी काँग्रेसचे नेते शरद पवार यांनी बीड आणि बारामती लोकसभा मतदारसंघांमध्ये बोगस मतदान झाल्याचा आरोप केला आहे. तसेच, या प्रकरणी कारवाई करण्याची मागणी केली आहे.

शरद पवार यांनी एबीपी माझा वृत्तवाहिनीला दिलेल्या मुलाखतीत राज्यात बोगस मतदान झाल्याचा गंभीर आरोप केला. ते म्हणाले की, बीड, बारामती, आणि पुणे या मतदारसंघांव्यतिरिक्त राज्यात इतर ठिकाणी शांततेत मतदान झाले. महाराष्ट्रात कधीच पैशांचा मोठ्या प्रमाणात वापर झालेला नव्हता, मात्र या निवडणुकीत मोठ्या प्रमाणात पैशांचा वापर झाला. बारामतीमध्ये तर एक बँक रात्री दोन वाजताही उघडी होती. एवढंच नाही तर बारामती आणि बीड लोकसभा मतदारसंघांमध्ये बोगस मतदानाचे प्रकार घडले. बीडमध्ये बूथ कॅप्चरिंगची घटना घडली आहे. पुणे जिल्ह्यातही अशा प्रकारच्या घटना घडल्या आहेत. त्यामुळे दोषींवर कारवाई करण्याची मागणी शरद पवार यांनी केली आहे.

“या” ६ जिल्ह्यांमध्ये वादळी वाऱ्यासह पावसाची शक्यता, पुढील दोन दिवस मुसळधार पाऊस

राष्ट्रवादी काँग्रेसमध्ये पडलेल्या फुटीनंतर यंदाच्या लोकसभा निवडणुकीत बारामती लोकसभा मतदारसंघातील लढत शरद पवार आणि अजित पवार यांच्यासाठी प्रतिष्ठेची ठरली होती. बारामतीमध्ये शरद पवार यांच्या कन्या सुप्रिया सुळे आणि अजित पवार यांच्या पत्नी सुनेत्रा पवार आमनेसामने आल्या होत्या. त्यामुळे येथील निवडणूक चुरशीची झाली होती. तसेच, येथील प्रचारात अनेक आरोप-प्रत्यारोप झाले होते. बीडमध्येही भाजपाच्या पंकजा मुंडे आणि शरद पवार गटाचे बजरंग सोनावणे यांच्यात लढत झाली होती. तसेच, येथेही निवडणूक अनेक आरोप-प्रत्यारोपांमुळे गाजली होती.